Borgarskipulag eða smákóngaveldi?

Græna netið athugar skipulagsmál á höfuðborgarsvæðinu með Hjálmari Sveinssyni. Stjórnar fólkið skipulaginu?

Hjálmar Sveinsson útvarpsmaður og frambjóðandi er gestur Græna netsins á fundi um borgarskipulag á laugardaginn, 6. mars, á Glætunni, Laugavegi 19. Fundurinn hefst klukkan 11 fyrir hádegi.

Hjálmar hefur getið sér gott orð fyrir ferskar hugmyndir og fróðlega umfjöllun um skipulags- og umhverfismál í Reykjavík og nágrenni. Hann er nú í fjórða sæti á S-listanum í Reykjavík og í aðdraganda prófkjörsins um daginn gagnrýndi hann meðal annars smákóngaveldi á höfuðborgarsvæðinu, sem hefði komið í veg fyrir skynsamlegar skipulagsákvarðanir í þágu íbúanna.
Búast má við líflegum umræðum um skipulag í borginni og skipulag í skipulagsmálum á fundi Græna netsins með Hjálmari.

Allir velkomnir á Glætuna, laugardag frá kl. 11.

Stjórn Græna netsins

Athugasemdir

[Sturla Snorrason, 3.3.2010 kl. 09:28]

Vill Hjálmar Sveinsson byggja framtíðina vestur í bæ. Er hann 101sinni eða sér hann heildarhagsmuni borgarinnar!!!

Nýr Landspítali við Hringbraut kostar um 20.000 auka lítra, miðað við að byggja hann í miðri borg. Samgöngumiðstöð er álíka fáránlegt dæmi, þar sem farþegum er ekið vestur í bæ og sömu leið til baka. 

 Talið er að sameinað sjúkrahús við Hringbraut dragi til sín 40 - 60 þúsund ferðir á dag.

Nú búa yfir 60% austan og sunnan við gatnamótin Miklubrautar og Sæbrautar, en aðeins 20% búa vestan við Landspítala á Hringbraut eða í nágreni. Fyrir restina yrði vegalengdin svipuð.

Ef að nýtt sjúkrahús rís á Höfðanum en ekki við Hringbraut styttast vegalengdir 60% íbúa en lengjast hjá 20% sem þíðir 40% minni akstur. Frá Höfða að Hringbraut eru 5km sem gera 10km á ferð.

40% af 50 þúsund ferðum eru 20 þúsund ferðir eða 200.000 km minni keyrsla á dag.

Ef meðaleyðsla er 10lítrar á hundrað í borgartraffík gerir það 1lítir á 10 km sem eru þá 20.000 lítrar á dag sem staðsetningin við Hringbraut kostar. Einhverjir koma í strætó sem lagar þetta dæmi eitthvað.

Ef samgöngumiðstöð fer á höfðann verður dæmið enn betra.

Með samgöngumiðstöð á Höfðanum mun hverfið vasa ört sem helsti vinnustaður í höfuðborginni og tölur um eldsneytissparnað verða fljótar að ná þeim kostnaði sem talað er um að Vatnsmýrin kosti.

Með þungamiðju vinnu og skóla í miðri borg verða íbúðarhverfin ekki lengur úthverfi og öll borgin mun vistvænni.

Bara færsla Landspítala sparar um 20.000 lítra á dag.

Aðalskipulag Reykjavíkur er svo galið að vegalengdir munu aukast um 15% á íbúa á næstu 20 árum og umferð um 60%.

Hér er röð mynda sem sýna mögulega þróun byggðar sem sparar eldsneyti og styttir ferðatíma meira en nokkur önnur hugmynd.