Græna netið

Byggingaverktakar og bæjarstjórar, -stjórnir.

Í gönguferðinni í dag vöknuðu ýmsar spurningar sem blundað hafa í mér s.l. ca 2 ár þar sem ég er nú Kópavogsbúi og hef fylgst með málum þar. Þær varða allar þessi heiti "verktakar","fjárfestar". Hverjir eru þessir fjárfestar sem keyptu upp á Glaðheimasvæðinu í Kópavogi og seldu síðan bænum á uppsprengdu verði - og aðrir annars staðar? Hverjir eru þessir verktakar sem koma með tilboð og tillögur sem sem bæjarstjórnir geta ekki hafnað? Hvernig fjármagna þessir aðilar allan tækjakostinn? Er það með því að ráða til sín erlenda verkamenn sem þeir síðan féfletta? Hvað með allar gölluðu byggingarnar undanfarin ár? Hvað með gjaldþrot verktaka Reykjanesbrautar til Suðurnesja? Þarf ekki að kryfja þessi mál af hálfu eftirlitsaðila og stjórnvalda? Og ekki myndi skaða að vertakar tækju til í eigin ranni svipað og fasteignasalar hafa verið að gera. Þetta er farið að virka á mig eins og samfélagslegt krabbamein, skrímsli. Afsakið ef einhverjum finnst ég taka sterkt til orða.

Hulda Björg Sigurðardóttir (Óskráður, IP-tala skráð), lau. 16. feb. 2008